الكرياتين – creatine

الكرياتين

اولا ايه هو الكرياتين ؟

عباره عن مركب نيتروجيني بيدعم مصادر الطاقه للجسم وبتزودها

ايه هي مصادر الكرياتين ؟

الكرياتين متواجد ف الكثير من الاطعمه ولكن بنسب بسيطه جدا زي السمك واللحوم وغيرها .. ولذلك بنتجه الي مكملات الكرياتين لتوفير حاجه الجسم

ازاي بيشتغل الكرياتين ؟

بشكل مبسط في انزيم اسمه “creatine kinase ” ده بيكسر الكرياتين… وبياخد منه مجموعه الفوسفات اللي بتتحد مع ADP وتخليها ATP

يبقي فوسفات + ADهيدينا ATP

طب وايه ال ATP دي ؟!

بشكل مبسط مصدر طاقه للجسم فبالتالي تمرينك بيبقي اقوي .. وبتزيد عندك معدلات القوه والكتله العضليه

كمان الكرياتين بيسحب المايه كده من قفاها للخليه العضليه فبيزيد معدل بنائها وبالتالي بيزيد حجمها

ايه هي انواع الكرياتين ؟

كرياتين مونوهيدرات

كرياتين hcl

كرياتين micronized

كرياتين استيل استر

Liquid creatine

وانواع تانيه برضو

جرعه الكرياتين قد ايه ؟

5 جرام يوميا قبل او بعد التمرين كافيه

وممكن نعمل لودينج للكرياتين او لا

هل الكرياتين امن ؟!

اه امن و مش محتاح اوصيكم بشرب مايه كتير معاه

الكرياتين من اهم المكملات اللي تستاهل تحط فيها

فلوسك

الكرياتين والشائعات ع اللي بتتقال علي الكرياتين

كابتن ده بيحبس مايه وهيخليني مليس اكيد كده ؟

لا طبعا ..في فرق بين حبس المايه تحت الجلد .. وتوفير الكرياتين المايه للخليه العضليه ..وبالتالي حجمها بيزيد

طب تعرف ان الكرياتين بيساعدك ع انك تخس بطريقه غير مباشره لانه بيزود من الكتله العضليه الصافيه

طيب يعني ايه تحميل “creatin loading ” ؟

انك بتاخد من 10ل 20 جرام كرياتين من 7ل 14 يوم وبعد كده بترجع تاخد منه 5 جرام يوميا

ممكن السيدات تستخدم الكرياتين ؟

مفيش مشاكل من استخدام السيدات للكرياتين

طيب افضل حاجه اخدها مع الكرياتين ؟

يفضل انك تاخده مع كاربوهيدرات او ” كاربوهيدرات وبروتين ” ..ده بيزود مستوايات الانسولين ف الدم فبيسرع من عمليه وصوله للخليه العضليه

ايه افضل وقت اخد فيه الكرياتين ؟

بعد التمرين

هل شرط انك تعمل لودينج للكرياتين وليه بنعمل لودينح ؟

هو مش شرط لانه لو استمريت ع 5 جرام هتبدا بالبلدي كده جسمك يتشبع بيه خلال 4 اسابيع .. بنعمل لودينج عشان نقصر المده دي وبتبقي غالبا اسبوعين

ايه احسن نوع كرياتين ؟

اي نوع كرياتين مونوهيدرات

هل الكرياتين امن ؟

امن جدا ومش شرط توقف استخدامه زي مهو شائع