Six packs

ازاي أقدر أوصل لعضلات بطن قويه !

قبل اي حاجه لازم تقتنع تماما ان مفيش تمرين سحري هيطلعلك عضلات بطن

واقتنع جدا كمان بجمله بتقولك

Your Abs are made in the kitchen

يعني عضلات بطنك بتتعمل في المطبخ

يعني نقدر نقول ان من غير نظام غذائي مناسب ماتسألش علي عضلات بطنك !

لان أكلك هو اللي بيحدد درجه نشفانك ونسبه دهونك

كلنا ربنا خالقنا بعضلات بطن بس العائق ان فينا اللي منقطه بطنه بتحيط بيها الدهون فبتغطي علي عضلات البطن

عشان كدا لازم ننزل الدهون دي ودا مش هيحصل الا بالدايت

يعني ماتبقاش مقضيها fast food وتيجي تسال عن بطنك !

كمان ماننساش نشرب مايه كتيير ونقلل الملح في أكلنا عشان مانخزنش مياه

ماننساش حاجه مهمه جداا هتساعدنا علي زياده معدل الحرق عشان نتخلص من الدهون دي

وهو الكارديو لازم تستعين بيه في خطتك التدريبيه لانه هيساعدك جدا في موضوع تقليل نسبه الفات

من اكتر الاخطاء اللي بشوف الناس بتعملها

انك بتتمرن بطن كل يوم ودا غلط جدا لان عضله البطن هي في الاول والاخر عضله زي اي عضله تانيه ممكن بال Over training يؤدي الي اجهادها

طب الصح ايه !

انك تتمرن عضلات البطن من مرتين الي ٣ في الاسبوع

ملحوظه مهمه كمان اثناء تمرينك اعتمد علي التكرارات لان عضلات البطن من العضلات التحمليه اللي محتاجه ضغط عليها عشان تستجيب يعني بلاش شغل ال ١٠ عدات دا

كمان ماتنساش تغير من تمارينك عشان تستهدف عضله البطن من جميع الزوايا

(نظام غذائي للتنشيف )

الوجبة الاولى (الفطور)

4 بيض مسلوق وتناول البياض فقط وابتعد عن الصفار لما فيه من دهون

كاس عصير برتقال

نصف رغيف خبز

الوجبة الثانية (الغداء)

سلطة

1 رغيف خبز

صدر دجاج

نصف طبق ارز

كاس افوكادو

الوجبة الثالثة (العشاء)

سلطة مكونة من ( خس + خيار + طماطم + جزر + جبنة قليلة الدسم ) .. بدون ملح و لا زيت و لا أي شي

علبة تونة

2موز

الوجبة الرابعه (وجبة خفيفة في أي وقت من اليوم)

2 موز و ٢ تفاح و عصير وسوداني

ملحوظه يجب عليك تغير نظامك الغذائي مع الوقت حد اقصي ٣ أسابيع

(إرادة تصنع كل شيئ .)